F A Q 's
FREQUENTLY ASKED QUESTIONS
IGNITE PHYSICS
ప్రశ్న : రాగి (కాపర్) ఆక్సీకరణం చెందితే ఏ రంగులోకి మారుతుంది ? A. నలుపు B. ఎరుపు C. నీలం D. ఆకుపచ్చ సమాధానం : సాధారణంగా ఆక్సిజన్ ను కలపడాన్ని ఆక్సీకరణం అంటారు. అలాగే హైడ్రోజన్ ను తొలగించడాన్ని కూడా ఆక్సీకరణం అంటారు. ఆధునిక నిర్వచనం ప్రకారం ఎలక్ట్రాన్ లను కోల్పోవడాన్ని ఆక్సీకరణం అంటారు. ఎలక్ట్రాన్ లను కోల్పోయిన పరమాణువు యొక్క ఆక్సీకరణ స్థితి పెరుగుతుంది. అనగా కాపర్ (ఆక్సీకరణ స్థితి = 0) నుండి కాపర్ (ఆక్సీకరణ స్థితి = +1) గా గానీ లేదా (ఆక్సీకరణ స్థితి = +2) గా గానీ మారితే ఆక్సీకరణం చెందినట్లే. కాపర్ (0) తక్కువ మోతాదులో ఆక్సిజన్ తో చర్య చెంది కాపర్ (+1) ఆక్సైడ్ లేదా క్యూప్రస్ ఆక్సైడ్ ను ఏర్పరచును. దీని రంగు ఎరుపు. 4 Cu + O2 à 2 Cu2O కాపర్ (0) తక్కువ మోతాదులో ఆక్సిజన్ తో చర్య చెంది కాపర్ (+2) ఆక్సైడ్ లేదా క్యూప్రిక్ ఆక్సైడ్ ను ఏర్పరచును. దీని రంగు నలుపు. 2 Cu + O2 à 2 CuO దీర్ఘ కాలికంగా కాపర్ వాతావరణం లోని వివిధ అంశాలతో చర్య చెంది సల్ఫేట్ లను, కార్బోనేటు లను, హైడ్రాక్సైడ్ లను ఏర్పరచును. ఇవన్నీ ఆక్సీకరణ చర్యలే. బ్రోంకన్ టైట్ ఆకుపచ్చ రంగు లోనూ మాలకైట్ ఆకుపచ్చ రంగు లోనూ అజురైట్ నీలం రంగు లోనూ ఉంటాయి. బ్రోంకన్ టైట్ అనగా CuSO4 + 3 Cu(OH)2 మాలకైట్ అనగా CuCO3+ Cu(OH)2 అజురైట్ అనగా 2 CuCO3+ Cu(OH)2 దీనిని బట్టి రాగి (కాపర్) ఆక్సీకరణం చెందితే ఏ రంగులోకి మారుతుంది ? అనే ప్రశ్నకు ఎరుపు, నలుపు, నీలం, ఆకుపచ్చ అన్నీ సరియైన సమాధానాలే అవుతాయి. - నాగమూర్తి 9441786635 ignitephysics.weebly.com |
IGNITE PHYSICS
ప్రశ్న : ఆక్సీకరణ చర్యను సూచించే ఒక రసాయన చర్యకు సమీకరణాన్ని వ్రాయండి. అని ఉపాధ్యాయుడు అడిగిన మీదట నలుగురు విద్యార్థులు వివిధ సమీకరణాలను వ్రాసుకుని వచ్చారు. కవిత C + O2 à CO2 వినయ Ag + H2S à Ag2S + H2 పల్లవి H2 + Cl2 à 2 HCl ఆదిత 2 Na + Cl2 à 2 NaCl సరియైన సమాధానం చెప్పిన వారిని గుర్తించండి. A. కవిత, వినయ B. కవిత, పల్లవి C. కవిత, వినయ, పల్లవి D. కవిత, వినయ, పల్లవి, ఆదిత సమాధానం : సాధారణంగా ఆక్సిజన్ ను కలపడాన్ని ఆక్సీకరణం అంటారు. అలాగే హైడ్రోజన్ ను తొలగించడాన్ని కూడా ఆక్సీకరణం అంటారు. ఆధునిక నిర్వచనం ప్రకారం ఎలక్ట్రాన్ లను కోల్పోవడాన్ని ఆక్సీకరణం అంటారు. ఎలక్ట్రాన్ లను కోల్పోయిన పరమాణువు యొక్క ఆక్సీకరణ స్థితి పెరుగుతుంది. కవిత C + O2 à CO2 ఇక్కడ కార్బన్ కు ఆక్సిజన్ కలుపబడినది. అనగా కార్బన్ అక్సీకరణం చెందినది. కనుక ఇది ఆక్సీకరణం. వినయ Ag + H2S à Ag2S + H 2 ఇక్కడ సిల్వర్ సల్ఫైడ్(H2S) నుండి హైడ్రోజన్ తొలగించబడినది. అనగా సిల్వర్ సల్ఫైడ్ అక్సీకరణం చెందినది. కనుక ఇది ఆక్సీకరణం. పల్లవి H2 + Cl2 à 2 HCl ఇక్కడ హైడ్రోజన్ యొక్క ఆక్సీకరణ స్థితి 0 నుండి +1 కి పెరిగింది. అనగా హైడ్రోజన్ ఆక్సీకరణం చెందినట్లు. కనుక ఇది ఆక్సీకరణం. ఆదిత 2 Na + Cl2 à 2 NaCl ఇక్కడ సోడియం యొక్క ఆక్సీకరణ స్థితి 0 నుండి +1 కి పెరిగింది. అనగా సోడియం ఎలక్ట్రాన్ లను కోల్పోయి ఆక్సీకరణం చెందినట్లు. కనుక ఇది ఆక్సీకరణం. దీనిని బట్టి ఇవ్వబడిన ప్రశ్నకు నలుగురు విద్యార్థులు వ్రాసిన సమాధానాలు సరియైనవే అని తెలుస్తుంది. కనుక సరియైన సమాధానం D. - నాగమూర్తి 9441786635 ignitephysics.weebly.com |
IGNITE PHYSICS
ప్రయోగశాలలో నిర్వహించవలసిన రికార్డుల వివరాలు. స్టాక్ రిజిష్టరు క్రమ సంఖ్య పరికరం / వస్తువు పేరు సంఖ్య ఒక వస్తువు ఖరీదు మొత్తం ఖరీదు రిమార్కులు మెయింటెనెన్స్ రిజీష్టరు క్రమ సంఖ్య తేది తరగతి పీరియడ్ ఇవ్వబడీన పరికరాలు/ పదార్థాలు తీసుకున్న వారి సంతకం తిరిగీ ఇవ్వబడిన పరికరాలు/ పదార్థాలు తిరిరి ఇచ్చిన వారి సంతకం రిమార్కులు - నాగమూర్తి.వి 9441786635 ignitephysics.weebly.com |
IGNITE PHYSICS
ప్రశ్న : వేడిని గ్రహించి ద్రవము ఆవిరవుతుంది కదా! భాష్పీభవనం ఒక శీతలీకరణ ప్రక్రియ అని ఎలా చెప్పగలము ? సమాధానం అరచేతిలో కొద్దిగ స్పిరిట్ వేసుకుంటే కొన్ని క్షణాల్లో స్పిరిట్ ఆవిరవుతుంది. చేతులు చల్లగ అవుతాయి. అంటే స్పిరిట్ నందు ద్రవ అణువులు మన చేతి నుండి వేడిని గ్రహించి, గతిశక్తిని పొంది అవి వాయు రూపంలోకి మారతాయి. మన చేతి నుండి ఉష్ణం స్పిరిట్ కు ప్రసారమైనది కనుక మనము చల్లదనాన్ని అనుభవిస్తాము. అనగ స్పిరిట్ యొక్క భాష్పీభవనం చేతిని (పరిసరాలను) శీతలీకరణం గావించినది (చల్లబరచినది). కనుక భాష్పీభవనం ఒక శీతలీకరణ ప్రక్రియ. ఏదైనా ద్రవం నందలి అణువులు ఏ ఉష్ణోగ్రత వద్దనైనా ఆ ద్రవఉపరితలాన్ని వీడిపోయే ప్రక్రియను భాష్పీభవనం అంటారు. ద్రవము వాయువుగ మారుటకు ఉష్ణం గ్రహించబడాలి. కనుక ఆ ఉష్ణం పరిసరాల నుండి గ్రహించబడుతుంది. ఫలితంగ పరిసరాలు చల్లబడతాయి. శీతలీకరణానికి కారణమయ్యే ప్రక్రియ కనుక శీతలీకరణ ప్రక్రియ. ఇంటిలో బండలు నీటితో శుభ్రం చేసిన తరువాత కొద్ది సేపటికి నీరు ఆవిరవుతుంది. అపుడు బండలు చల్లగ ఉంటాయి కదా! నీరు భాష్పీభవనం చెందడం వల్ల బండలు శీతలీకరణం చెందడమే ఇందుకు కారణం. శరీరం మీద పట్టిన చెమట భాష్పీభవనం చెందేటపుడు కూడా మనం చల్లదనాన్ని అనుభవిస్తాము (ఫీలవుతాము). భాష్పీభవనం చెందే పదార్థం ఉష్ణమును పరిసరాల నుండి గ్రహిస్తుంది కనుక ఇది ఉష్ణ గ్రాహక ప్రక్రియ అవుతుంది. - నాగమూర్తి.వి 9441786635 ignitephysics.weebly.com |
IGNITE PHYSICS
ప్రశ్న : ఇథైల్ ఆల్కహాల్ (ఇథనాల్ ) ఆమ్లమా ? లేదా క్షారమా ? సమాధానం ఇథైల్ ఆల్కహాల్ (స్వచ్ఛమైనది) రంగు లేని , ప్రత్యేక వాసన గల ద్రవం. భాష్పశీలత గలది. శీఘ్ర దహనశీలి పదార్థం. దీనిలో NaOH లో వలె -OH సమూహం ఉన్నప్పటికీ , NaOH లాగ ఇదీ నీటిలో అయనీకరణం చెందదు. హైడ్రాక్సిల్ అయానులను ఏర్పరచదు. కనుక ఇది క్షారం కాదు. అయితే pH పరంగా ఇది దాదాపు నీటితో సమాన ధర్మం ఉంటుంది. pH విలువ 7.33 (శుద్ద ఇథనాల్ ). సాధారణ ఇథనాల్ వాడుకలో రకరకాల పద్ధతులలో తయారు చేయబడడం వల్ల pH విలువ స్థిరంగ ఉండక 7.0 కు దగ్గరలో ఉంటుంది. అయితే ఇది బలమైన క్షారం లతో చర్య చెంది లవణాలను ఏర్పరచును. NaOH తో చర్య చెందును. అలాగే బలమైన ఆమ్లాలతో కూడ చర్య చెందును. HCl తో చర్య చెందును. కనుక ఖచ్ఛితంగ తటస్థం కాదు. అని చెప్పవచ్చును. pKa విలువ 15 దాటితే అవి అతి తక్కువ బలమైన ఆమ్లాలు అనీ చెప్పవచ్చును. ఇథైల్ ఆల్కహాల్ యొక్క pKa విలువ 15.7. కాబట్టి ఇథైల్ ఆల్కహాల్ ఒక అత్యంత బలహీనమైన ఆమ్లం అని చెప్పవచ్చును. ఎసిటిక్ ఆమ్లం కంటే కూడా బలహీనమైనది. - నాగమూర్తి.వి 9441786635 ignitephysics.weebly.com |
IGNITE PHYSICS
ప్రశ్న : పాలు కొల్లాయిడ్ అయితే టీ ద్రావణం ఎలా అవుతుంది ? విరుద్ధం కదా! సమాధానం నిజానికి పాలు ఒక కొల్లాయిడ్ . టీ ఒక ద్రావణం. టీ అనగా నీటిలో , టీ ఆకులను వేసి, మరిగేలా కాచి వడపోయగ వచ్చే పల్చటి ద్రవం. ఇది ద్రావణం. అనగ టీ పొడి నుండి వచ్చే కణాలన్నీ టీ ద్రావణంలో ఏకరీతిగ కలిసిపోయి ఉంటాయి. అపుడు 10 మి.లీ.ల టీ ని ఒక కప్పులో, 20 మి.లీ.ల టీ ని మరో కప్పులో తీసుకుంటే వాటి మధ్య తేడాను గమనించలేము. అయితే వాడుకలో టీ అనగా అర్థం పాలు, నీరుల మిశ్రమంలో టీ ఆకులను ఉడికించి చేసేది. బాగ మరగ కాచినపుడు పాలల్లో ఉన్న ఘన ప్రొటీన్లు వంటి కణాలు కలిసి ఓ పొరలాగ పైన ఏర్పడతాయి. వడపోత (మంచి వడపోత పరికరం వాడీనపుడు మాత్రమే) ద్వారా అవి టీ లోకీ చేరకుండా ఉంటే ఏర్పడీన టీ టెక్నికల్ గా ద్రావణంగ పరిగణింపబడుతుంది. సాధారణంగా మనం రోజూ త్రాగే టీ ఖచ్ఛితంగా ద్రావణం కాదు. ఎక్కువ సందర్భాలలో కొల్లాయిడ్ అవుతుంది. అప్పుడప్పుడు అవలంబనం అవుతుంది. ఇంకా చెప్పాలంటే అసలు ఎటువంటి టీ ? లేదా ఏ టీ? లేదా దేనితో చేసిన టీ ? అని వివరణ లేకుండా దానిని ద్రావణమా! కొల్లాయిడా! అవలంబనమా! అని చెప్పలేము. ఎందుకంటే పాల టీ గ్రీన్ టీ హనీ టీ అల్లం టీ లెమన్ టీ బాదం టీ బ్లాక్ టీ పెప్పర్ టీ శొంఠి టీ మసాలా టీ ఆయుర్వేదిక్ టీ సుగంధ టీ మద్ది టీ జీర టీ వాము టీ ఎన్నో ఉన్నాయి. అయితే టెక్నికల్ గా టీ ఒక ద్రావణం. - నాగమూర్తి.వి 9441786635 ignitephysics.weebly.com |
ప్రశ్న:
చలనాన్ని వ్యతిరేకించే బలమే ఘర్షణ బలం. అంటే వస్తువును నిశ్చల స్థితిలో బల్ల మీద ఉంచితే దానిపై ఘర్షణ బలం పనిచేయదా ? సమాధానం : సాధారణంగ చలనాన్ని వ్యతిరేకించే బలమును ఘర్షణ బలం అని నిర్వచించుకుంటాము. అయితే స్పర్శలో ఉన్న రెండు వస్తువుల మధ్య ఘర్షణ బలం పనిచేస్తుంది. ఘర్షణ బలం పలు రకాలు. స్థైతిక ఘర్షణ జారుడు ఘర్షణ దొర్లుడు ఘర్షణ ప్రవాహి ఘర్షణ స్థిరంగ వస్తువు కదలకుండా ఉన్నదంటే అర్థం ఆ వస్తువు ఉన్న తలము ఆ వస్తువును కదలకుండా ఆపుతుందన్న మాట. వస్తువుకు తలానికి మధ్య ఉంటే సూక్ష్మ బుడిపెల మధ్య గల అంతర్గత బంధాల వలన వస్తువు కదలకుండా ఉంటుంది. ఈ సందర్భంలో వస్తువుపై పని చేసే ఘర్షణను స్థైతిక ఘర్షణ అంటారు. తలముపై వస్తువు కదులుతుందంటే సూక్ష్మమైన బుడిపెల మధ్య ఉన్న బంధాలు వీగిపోయాయని అర్థం. కదులుతున్న వస్తువు చలనాన్ని నిరోధిస్తూ తలం కలిగించే బలమే జారుడు ఘర్షణ. ఇది చలనానికి వ్యతిరేక దిశలో పని చేస్తుంది. జారుడు ఘర్షణ స్థైతిక ఘర్షణ కంటే తక్కువగ ఉంటుంది. బంతి వంటి వస్తువు తలము మీద దొర్లుతూ ఉంటే వస్తువుపై తలం కలిగించే ఘర్షణను దొర్లుడు ఘర్షణ అంటారు. ఇది స్థైతిక, జారుడు ఘర్షణల కంటే తక్కువగ ఉంటుంది. గాలి, నీరు వంటి ప్రవాహులలో కలిగింపబడే ఘర్షణను ప్రవాహి ఘర్షణ అంటారు. గాలిలో వెళ్ళే విమానంపై ప్రవాహి ఘర్షణ పనిచేయును. నీటిలో ఈదే చేపపై ప్రవాహి ఘర్షణ పనిచేయును. - నాగమూర్తి 9441786635 ignitephysics.weebly.com |